Onion Export: पाकिस्तानात कांद्याच्या थेट निर्यातीला सूट दिल्यास भाववाढ अटळ              

Onion Export: नाशिकमध्ये सध्या कांद्याची मागणी कमी असली तरी येत्या काही दिवसांत कांद्याची मागणी वाढण्याची शक्यता आहे. पाकिस्तानातील पूरस्थितीमुळे तिथून निर्यातीची मागणी आल्यास बाजाराला आधार मिळू शकतो. सध्या पाकिस्तानला कांदा थेट निर्यात करण्यास सरकारची परवानगी नाही. सरकारने निर्यातीत सूट दिल्यास कांद्याचे भाव वाढू शकतात. सरकारने शेतकऱ्यांच्या हितासाठी पाकिस्तानला थेट निर्यातीला परवानगी द्यावी. असे भारत दोघोळे म्हणाले.पावसामुळे नाशिक जिल्ह्यातील चाळीत पडून असलेल्या कांद्याचा साठा अधिकच खराब झाला आहे. काही शेतकऱ्यांच्या मालाचे 50% पेक्षा जास्त नुकसान झाले आहे. अतिवृष्टीमुळे कांदा खराब होऊ नये म्हणून शेतकरी आता कांदा बाजारात आणत आहेत. नुकत्याच झालेल्या पावसामुळे ज्या शेतकऱ्यांकडे चाळीत कांद्याचा साठा होता त्यापैकी 50% साठा यंदा खराब झाला आहे.

दक्षिणेकडील कांद्याची आवक जिल्ह्यात सुरू झाली असली तरी ती बाजारभावावर परिणाम करेल इतकी नाही. दक्षिणेकडील कांद्याची आवक अत्यल्प असून त्याचा फार मोठा परिणाम होणार नसला तरी मानसिक परिणाम बाजारपेठेवर अधिक होणार हे नक्की.

चाळीतील खराब कांद्यामुळे बाजारात कांद्याची आवक वाढली आहे, यामुळे दर अधिक दबावात आहेत. कांद्याला 20 ते 22 रुपये किलो उत्पादन खर्च असून केवळ 8 ते 12 रुपये प्रतिकिलो भाव मिळत आहे. यामध्येही निम्म्या मालाचे नुकसान झाले आहे. नाशिकमध्ये 50 टक्के कांद्याचा साठा पावसामुळे खराब झाला आहे. दक्षिणेकडील कांद्याची आवक सातत्याने घसरत असल्याने बाजारभावात हळू-हळू तेजी येईल असे जाणकारांचे मत आहे.

भारतातून कांदा आणि टोमॅटो आयात करण्याबाबत अद्याप निर्णय झालेला नाही

तेथील शाहबाज शरीफ सरकारने भारतातून भाजीपाला आणि फळे आयात करण्याबाबत अद्याप निर्णय घेतलेला नाही, त्यामुळे अनेक व्यापारी मंडळे शेजारील देशांना ग्राहकांच्या हितासाठी भारतातून कांदा आणि टोमॅटोसारख्या जीवनावश्यक वस्तूंची आयात करण्याचा आग्रह करत आहेत. भाज्यांच्या वाढत्या किमती पाहता भारतातून खाद्यपदार्थ आयात करण्याची कल्पना सर्वप्रथम अर्थमंत्री मिफ्ता इस्माईल यांनी सोमवारी मांडली. तथापि, इस्माईलने बुधवारी सांगितले की काश्मीरच्या मुद्द्यावरून भारताशी तणावपूर्ण संबंधांच्या पार्श्वभूमीवर या योजनेवर विरोधकांनी केलेल्या टीकेच्या दरम्यान भारतातून खाद्यपदार्थांच्या आयातीबाबत युती भागीदार आणि प्रमुख भागधारकांशी सल्लामसलत करू असे सांगितले.

कांदा बाजारभाव

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
03/09/2022
कराड	हालवा	क्विंटल	99	500	1300	1300
सांगली -फळे भाजीपाला	लोकल	क्विंटल	1581	400	1700	1050
पुणे- खडकी	लोकल	क्विंटल	13	1200	1400	1300
पुणे -पिंपरी	लोकल	क्विंटल	6	1200	1200	1200
कामठी	लोकल	क्विंटल	20	1000	1600	1400
लासलगाव	उन्हाळी	क्विंटल	9975	550	1461	1230
मनमाड	उन्हाळी	क्विंटल	2200	300	1176	950